Scho so alt?!

30gi – jetzt verwütschts mi doch au no 😱

Aber kein Grund zum truurig si, für da sind mer denn doch no zjung  Die 30 sölled gfiired werde, oder giit öppis schönners als zämmä die Sache mache, wo mer gern macht? Mit dem Motto wott ich gern mis 30. Lebensjahr verbringe.

Mini Idee isch, das alli Lüüt, wo mit mir ztue gha hend bis eze, sölled mitcho. Familie, Schulzeit, Ausbildung, Beruf, OL, Turnverein, Gleitschirm oder suscht irgendwo – ich han scho soooo viel Lüüt dörfe kenne- und schätze lerne. Drum würds mich umso meh freue, wenn ich nöd elei müesst altere. 

Wenn Lust hesch, dörfsch mich gern dur mis ganze Jahr aa jedem Aalass begleite. Oder wotsch eifach eimal mitcho? Oder garnöd? Das überloh ich dir! Ich würd mich eifach unglaublich freue, wenn du mal debii wärsch!

Zum sOrganisiere chli vereifache, wäri mega froh, wenn di chli früehziitig würsch aamelde, aber da findsch alles uf de jewiilige Siite. Lueg doch eifach mal is Jahresprogramm, was di gluschtet: