Scho so alt?!

30gi – jetzt verwütschts mi doch au no 😱

Aber kein Grund zum truurig si, für da sind mer denn doch no zjung 😃 Die 30 sölled richtig gfiired werde!
Drum würds mich umso meh freue, wenn ich nöd elei müesst altere.

sWertvollste, wo ich chan becho, isch Ziit vo dir! Und was giits coolers, als zämmä öppis unterneh, wo mer gern mached? 
Mit dem Motto wott ich gern mis 31. Lebensjahr verbringe.

Mini Idee isch, das alli Lüüt, wo mit mir ztue gha hend bis eze, sölled mitcho. Familie, Schul, Lehr, BMS, Studium, Schaffe, Wohne, OL, Turnverein, Gleitschirmle oder suscht irgendwo – ich han scho soooo viel Lüüt dörfe kenne- und schätze lerne. Gern lad ich dich iih, mich uf minnere Reise begleite. Ich freu mich uf jede einzeln, egal ob mer gest grad es Bier zemme gno hend, letschti uf en Berg gsecklet sind oder üs scho siit Jahre nüme gseh hend.

Wie funktioniert da jetzt?

Über sGanze Jahr 2027 verteilt giits Aaläss mit Aktivitäte, wo mir Spass mached. Vo Wandere, Velofahre bis zum umeseckle ii de Berge oder em Abeflüge isch alles debii. Ich mach die Sache au elei, aber mit dir isches sicher viel cooler 😉🫶
Wenn Lust hesch, dörfsch mich gern sGanze Jahr aa jedem Aalass begleite. Oder wotsch eifach eimal mitcho? Oder garnöd? Das überloh ich dir! Ich würd mich eifach unglaublich freue, wenn du mal debii wärsch!

Wasmer gnau mached, wo dases stattfindet, was selber muesch mitneh usw. findsch alles uf de Siite vom Aalass.
Zum sOrganisiere chli vereifache, bini irgendwenn amel doch uf ee Aameldig aagwiese. Ich bin dir sehr dankbar, wenn das nöd im letschte Moment vorem Aameldeschluss machsch, denn machschsmer no liechter 😀
Lueg doch eifach mal is Jahresprogramm, was di gluschtet: